Hino nacional em Kaingang - 1ª Parte

Goj sĩnvĩ tỹ Ipiranga fyr ty nỹtĩg kỹ.

Ũ tar mũmẽg vãnh prẽr vỹ mẽ há tĩ.

Kỹ rã vỹ ẽg ki kupũn mũ, ẽg mỹ sér tĩn kỹ,

hã ra ẽn hã kã ẽg vỹ vyrmỹ nỹtĩ.

Ag ri ke pẽ ẽg nỹtĩ ha, ẽg tỹ ag kamẽg Jãvãnh ja tugnĩn ke vẽ,

ag krẽm ke tũ, ẽg nỹ tĩ ha. Tag hã ve jé ẽg tóg ag kamẽg jãvãnh nĩ.

Taki ẽg nỹtĩ, ẽg tũ pẽ ki Salve! Salve!

Brasil tag hã vỹ ẽg mỹ sér pẽ ti nĩ,

jagnẽ to há kỹ ẽg jatun mỹ nỹtĩ

kutyg kỹ ẽg kanhkã tá krĩg sĩnvi vég tĩ;

krĩg ũ tóg ẽg mỹ tỹ Cruzeiro ve nĩ.

Éhé ti nĩ sĩ tũ tinĩ ẽg ga tagti

ẽg krẽ vỹ ẽg ri ke tag kri vẽn han ke mũ,

Ẽg ga há tag kri,

Ga ũ ve sór tũ ẽg nĩ Brasil vỹ há nĩ,

Ẽg mỹnh fag vỹ ki nỹti gé, ẽg mré

ẽg ga há tag ki Brasil.